
那洛巴大师教言集NARO18རྡོ་རྗེ་སེམས་ཆེན་བླ་མའི་དབང་།
1-4-5b

༄༅། །རྡོ་རྗེ་སེམས་ཆེན་བླ་མའི་དབང་།
༄། །རྒྱ་གར་སྐད་དུ། བཛྲ་ས་ཏྭ་མ་ཧཱ་མྱུ་(གུ་)རུ་ཤ་ར། བོད་སྐད་དུ། རྡོ་རྗེ་སེམས་ཆེན་བླ་མའི་དབང་། །རྡོ་རྗེ་འཆང་ལ་
1-4-6a

ཕྱག་འཚལ་ལོ། །འདི་ལ་སྔོན་འགྲོ་དངོས་དང་རྗེས། །སྔོན་འགྲོ་དབེན་པར་མཎྜལ་བཤམ། །བླ་མ་རྣམས་ལ་ཡང་ཡང་དབུལ། །ཚོགས་འཁོར་ལོ་གྲངས་སྤྱི་
གཞུང་བསྲང་། །དངོས་གཞི་གསོལ་བཏབ་དབང་ཞུ་བ། །ཀྱེ་ཧོ་བླ་མ་རྡོ་རྗེ་འཆང་ཆེན་དགོངས། །བདག་མཚན་འདི་ཞེས་བགྱི་བ་ལ། །དུས་གསུམ་བདེ་གཤེགས་ཐམས་ཅད་ཀྱི། །སྐུ་གསུང་
ཐུགས་ཡོན་འཕྲིན་ལས་དང་། །དབྱེར་མེད་དབང་རྫོགས་བསྐུར་དུ་གསོལ། །ལུས་ངག་ཡིད་གསུམ་སྨིན་པར་མཛོད། །ལན་གསུམ་གསོལ་བ་བཏབ་རྗེས་ལ། །ཡིག་བརྒྱ་གསུམ་
བཟླས་སྣོད་སྦྱངས་ལ། །རང་ཉིད་ཡི་དམ་ལྷར་བསྐྱེད་དེ། །སྤྱི་གཙུག་བླ་མ་རྡོ་རྗེ་འཆང་། །མཐིང་ཁ་ཞལ་ཅིག་ཕྱག་གཉིས་པ། །ཆོས་དབྱིངས་ཀུན་བཟང་ཡུམ་དང་སྦྱོར། །ཕྱག་
གཡས་རྡོ་རྗེ་རྩེ་ལྔ་གསོར། །གཡོན་པ་ཌལ་དཀར་དྲིལ་བུ་བརྟེན། །རིན་ཆེན་རུས་པའི་རྒྱན་དྲུག་མཛེས། །སྐུ་གསུང་ཐུགས་གནས་འབྲུ་གསུམ་མཚན། །གསང་བ་རྡོ་རྗེ་རྩེ་ལྔ་པ། །ནང་
ཧཱུཾ་རྩེ་ལས་ཕཊ་གྱིས་(ཀྱིས་)མཚན། །ཡུམ་གསང་པདྨའི་ཟེ་འབྲུ་ཨོཾ། །རང་གི་ཐུགས་ཁའི་འོད་ཟེར་འཕྲོས། །ཕྱོགས་བཅུའི་བླ་མ་བདེ་བར་གཤེགས། །མ་ལུས་བཀུག་ནས་དེ་ཐུགས་བསྟིམ། །
1-4-6b

ཡབ་ཡུམ་སྙོམས་ཞུགས་བྱང་སེམས་སྤེལ། །གཟི་བརྗིད་འོད་དུ་འབར་བར་བསྒོམ། །དབང་བཞི་བསྐུར་དུ་གསོལ་བ་བཏབ། །བྱང་སེམས་སྤྱི་གཙུག་དུང་ཁང་དཀྱིལ། །དགའ་བའི་ཉམས་
སྐྱེས་བུམ་དབང་ངོ་། །བྱང་སེམས་མགྲིན་པའི་གནས་སུ་དབབ། །མཆོག་དགའི་ཉམས་སྐྱེས་གསང་དབང་ངོ་། །བྱང་སེམས་སྙིང་ཁའི་གནས་སུ་དབབ། །ལྷན་ཅིག་སྐྱེས་དགའ་
ཡེ་ཤེས་དབང་། །ཀྱེ་ཧོ་བདེ་སྟོང་དབྱེར་མེད་བྱང་ཆུབ་སེམས། །འདི་ནི་རང་རིག་ཡེ་ཤེས་ཏེ། །རྡོ་རྗེ་འཆང་བ་ཀུན་གྱི་རྗེ། །རང་དང་ཐ་དད་ཡོད་མ་ཡིན། །ཕྱག་རྒྱ་ཆེན་པོའི་སྒོམ་དབང་ཐོབ། །
དེ་ནས་དྲི་མ་ཀུན་དག་སྟེ། །བདེ་སྟོང་དྲན་མེད་ཉམས་དང་ལྡན། །དེ་ཉིད་དབང་བཞི་ཡོང་རྫོགས་ནས། །རང་ཉིད་རྡོ་རྗེ་འཆང་དུ་བསམ། །དབྱེར་མེད་ཕྱག་རྒྱ་ཆེན་པོར་ཤེས། །དངོས་པོའི་
གནས་ཐབས་རང་བྱུང་ལ། །ལམ་མཆོག་དེ་ཡིས་སྨིན་གྲོལ་ནས། །འབྲས་བུ་རྡོ་རྗེ་འཆང་ཉིད་འགྲུབ། །དེར་རྗེས་ཆོས་བཀའ་རིམ་པར་གཏད། །སྒོ་གསུམ་གསོག་མེད་ལོངས་སྤྱོད་
ཀྱིས། །ཆོས་བདག་བླ་མ་དེ་མཉེས་བྱ། །གཏོར་ཚོགས་བཟང་པོས་གཏད་རྒྱ་དགྲོལ། །དབང་ཆུ་ཀུན་འདུས་སྙིང་གི་ཁྲག །གཏེར་ཁ་འདི་ཡི་སྲོག་ཡིན་ཕྱིར། །གཅིག་གཉིས་གསུམ་ལས་
1-4-7a

མི་སྤེལ་བར། །བདག་འཇུག་རྒྱུན་པར་ཉམས་སུ་བླང་། །སྙིང་གི་བུ་མཆོག་ཁྱོད་ཀྱིས་ཚོངས། །སྙན་རྒྱུད་བཀའ་འཆལ་འཆོལ་བའི་ཚེ། །ཐུགས་རྒྱུད་སྐོར་འདིས་བསྟན་པ་
གསོལ། །གྲུབ་ཐོབ་རྒྱུད་པ་གདོན་མི་ཟ། །སྲས་མཁར་ནང་དུ་ཨ་དམ་རྒྱའོ། །ཨྠིྀ། ཟབ་ཟབ། རྒྱ་རྒྱ།། །།


目录
རྡོ་རྗེ་སེམས་ཆེན་བླ་མའི་དབང་།